Commons:Griass God
A herzlichs Griass Gód bei Wikimedia Commons - da frein Meediendaatebånk fyr olle Wikimediaprójektt.
[edit] Wos is Wikimedia Commons?Wikimedia Commons is a Meediensåmmlung fyr gmoahfreie und frei-lizenzirde leerreiche Meedieninhoite - Büder, Audió- und Videódaatein - fyran jeen. Sie deant ois oigmoahs Archiv fyr dé vaschianen Prójekte voh da Wikimedia Foundation, ma muass ower néd oahm voh dé Prójekte åghern umd do bereitgstöde Meedien z' nutzen. Dé Såmmlung is néd voh bezoide Midorweider, sondern voh Freiwillige erstöd worn. Da Råmen voh dém Prójekt is auf da Seiten Prójektråmen bschriem. Wikimedia Commons nutzd d' gleiche Wiki-Technólógie wia d' Wikipédia, dés hoasst a jeeder kå midorweiden. Ånders ois auf åndre Prójekte aufféglooderne Meediendaatein kennern auf Commons aufféglooderne Daatein auf Seiten voh åndre Wikimedia-Prójekte eihbett wern one sé durten erneit aufféloon z' miassen. Am 7. September 2004 gstartt, dareicht Wikimedia Commons am 30. Nóvember 2005 an Mailenstoah voh da oahmilliónsten auffégloodernen Meediendaatei und enthoit aktuö 12,098,301 Daatein und 104,756 Meediensåmmlungen. Weiderne Hintergundinformaziónen ywers Prójekt Wikimedia Commons söbst kennern im Impressum, auf da Wikipediaseiten ywer Wikimedia Commons und auf seiner Seiten im Meta-Wiki nochegleesen wern. Im Géngsootz zua traadiziónöe Meedienarchive is Wikimedia Commons frei. Jeeder derf dé do breitgstöden Daatein frei kópirn, nutzen und borweiden, sólång dé Autorn gnånnt und dé Kópien und Vaänderrungen mid dasöm Freiziagikeid åndre zur Vafygung gstöd wern. Dé Wikimedia-Commons-Daatenbånk ois sóiche und dé in iarer enthoidernen Texte san unter da GNU-Lizenz fyr freie Dókumentazión lizenzird. Dé genaun Lizenzbedingungen voh jeeder oahzelnen Meediendaatei kennern auf da jeeweiling Bschreiwungsseiten gfunden wern. Weiderne Informaziónen zur Wiadervawendung finden sé unter Commons Weidervawendung und Commons:Erste Schrit/Nützung.
|